Η πολιτική είναι μεγάλη τέχνη.
Πείθει τους ανθρώπους να πληρώσουν
γι’ αυτά που τους κλέψανε.
Andrzej Majewski, 1963-, Πολωνός συγγραφέας και σκηνοθέτης
Παιδία άλλο είδετεν
ματάκια αρ’ αϊκα.
Π’ εκλεψαν κ’ εκατέκλεψαν
όλια τουν ‘ς σ’ έναν λίσταν.
Είνας Λαγκάρτ εδέκεν α
να μαζεύνε παράδες,
κι ατοίν, οι ανεσγχώρετοι,
επέμ’ναν αβαράδες.
Έμαθεν κ’ εν’ εσάσεψεν,
τη λίσταν ατς να χάν’νε!
ατέ, η μάρσα, ‘κ’ έξερνεν
τα ΄΄λαμόγια΄΄ ντ’ εφτάνε.
Τρει υπουργοί εράευαν
ν’ ευρήκ’νε ατό τη λίσταν,
κι ατό πουδέν ‘κ’ ευρίουτον
έτονε έναν τσίρταν.
Τρει υπουργοί εδέβανε
κι η λίστα πάει κ’ έρται
και τον λαόν φορτών’ ατόν
με τα πόνια, τα σέρτια.
Και τον Γιωρίκαν, τον μικρόν,
τον Παπακωσταντίνον,
ατόν ετραυαγγέλιζαν
άμον το γότσ’, το χτήνον.
Εποίκαν ατόν κουκουστέρ’
με το νερόν, το κρύον
κι ατός, τη σκύλλ’, ο αφώτιστον,
‘κ’ ετούλωσεν ολίγον.
Κι ο Βενιζέλον, ο σοφόν,
εκούρτεσεν τη γλώσσαν,
ατέ ,η τσούνα η Λαγκάρτ’,
εποίκεν ατόν κλώσσαν.
Εσκάλωσεν να μουρδουλίζ’
κι αναμασά τα λόγια τ’,
τα γκάλοπ’ ελιγόστεψαν
τα πάχια τ’ και τα πόγια τ’.
Αέτς παθάν’νε οι ανθρώπ’,
τ’ ανθρώπ’ς που ‘κι πονούνε,
τ’ ανθρώπς που ‘κι παρηγορούν
κι ολίγον ‘κι αγαπούνε.
Λεξιλόγιο: Ματάκια = βρωμιές ρεζιλίκια αβαράδες = χωρίς εργασία αργόσχολοι. Τσίρτα = πολύ μικρό σε μέγεθος. Σέρτια = πολύ δυνατά. Ετραυαγγέλιζαν = επιθανάτιοι ψαλμοί. Γότς χτήνον = ζώο κατάλληλο για ζέψιμο. Κουκουστέρ = γυναίκα που την καταβρέχουν δημόσια για να βρέξει.
