Τα εκλογάς εγέντανε
και ο λαόν ετάεν,
τον Tσίπραν, τον Αλέξανδρον,
εψήφσεν κ’ ενεπάεν…!
Ο Tσίπρας, με το γέλος ατ’
και τον καλόν τον λόγον,
τον κόσμον εγιανάσεψεν
με τον καλόν τον τρόπον.
Ο Μεϊμαράκης έχασεν
το βράδον ‘ς σο depate,
‘ς σον Τσίπραν όλια εφόρτωσεν,
ντο έχουμε τα χρέη…
‘Κ’ έχω δάκρυα να κλαίγ’ ατον,
τον μαύρον Λαφαζάνον..
‘χάσεν τα χτήνια, τα γαρκά,
εχάσεν και το κάρον…
Μόν το Ποτάμ’ εμίκρανεν
κ’ εγέντονε ορμόπον,
γιατί ο Θοδωράκης ατ’
λάσκουτον με τσαντόπον..
Το Κ.Κ.Ε. πα έφτασεν
‘ς σο πέντε τ’ εκατόν-ι,
γιατί ‘κι θέλ’ κυβέρνησην,
έμαθεν μαναχόν-ι..!
Τα gallop ξάν’ ΄΄επέθαναν΄΄
τον Πάντσον, τον Καμένον,
άμαν ατός χοτλάεψεν,
τη σκύλλ’ αφορισμένον…!
Ο κόσμον πολλά έτσιξεν
τον Βάσον, τον Λεβέντεν,
ατόναν εσυμπόνεσεν
και ‘ς σην βουλήν ευρέθεν…
Η Χρυσή Αυγή εφώταξεν
κ’ εγέντον τρίτον κόμμαν
και η Κουρούνα, όπως λαλεί,
θα ανηβαίν’ ακόμαν…!
Κι αέτς ο Τσίπρας έντονε
τραντέλλενας και μέγας,
τα gallop όλια έχεσεν,
τα πλερωμένα πένας….!
Και με τ’ ατά ‘τελέθανε
κι αβού τα εκλογάς-ι,
ας τερούμ’ ους τα πότε ‘κιάν
θα είμες αβαράς-ι….
