Ας πάμε να ψηφίζουμε,
τα κόμματα πολλά είν’,
οι βουλευταί κι άλλο πολλοί
εσέβαν ‘ς ση σειράν -ι..
Μίαν κι άλλο ν’ εβγάλουμε
και αναφουντουλίζουμ’…!
τον Τσίπραν, τον ακράχαρον
ας πάμε να ψηφίζουμ’…
Αρ’ έναν δημοψήφισμαν
και δύο εκλογάς – ι,
θ’ εφτάει ο Τσίπρας για να κόφτ’
τ’ άκλερα τα συντάξεις…!
Κι ακόμαν ο Θεός εξέρ’
πόσον θα παρακείνταν,
ο Σόιμπλερ’ εδέταξεν
να ίνταν έναν τσίρταν..
Ο κόσμον εσασίρεψεν
‘κ’ εξέρ’, ντο θα ψηφίζει,
η ψήφος ατ’ έναν φιλέν
ο Σόιμπλε ορίζει..
Ψηφίζ’ αντιμνημόνια
κ’ εβγών’νε μνημοσόρια,
ψηφίζ’ και την αριστεράν
κ’ έρχουνταν πάντα πόνια..
Ίντιναν να ψηφίζομε
‘ς σα είκοσ’ τη Σταυρίτα,
η σύνταξη, θα ίνεται,
άμον την σταλαγμίταν..
