Τον Βαρουφάκην έφαγαν
άμον Ρήγαν Φεραίον,
γιατί έσον απροσκύνετος
και παλικάρ’ γενναίον…
Το κιφάλ’ ν ατ’ ψαλάφεσεν
Μέρκελ απές ‘ς σο πιάτον,
αέτς άμον ντ’ εποίκανε
τον Αέ Γιάννεν, τον μαύρον..
Πολλά ετσαπαλάεψεν
για έναν συμφωνίαν,
ανθρώπ’ να ζουν και χαίρουνταν
‘ς σ’ αβού την κοινωνίαν.
Κι αέτς επέμναμ’ μαναχοί
χωρίς τον Βαρουφάκην,
γιατί εθέλναν οι ΄΄τρανοί΄΄
να βάλνε ‘μας ‘ς σην ΄΄τάξην..΄΄
Αέτς εφτάν’ τοι δυνατούς
και τοι παλικαράνους,
τη γης τοι ανορίαχτους
και όλτς τοι καπιτάνους.
Εμείς πα ούλ’ εξέρουμε
‘ς σ’ αβού την κοινωνίαν,
το δίκαιον πάντα ντο ανθίζ’
και φέρ’ φύλλα, κλαδία..
Για τ’ ατό ’κ’ ανασπάλουμε
τον Γιάννεν Βαρουφάκην,
ατόναν θα περμένουμε
απάν ‘ς σο μηχανάκι…!
