Τσίπρα μ’ ,το ΄΄Ο Χ Ι΄΄ ντο θ’ εφτάς΄;
Ατό πολλά τσατίν ι,
να σύρτς ατό ‘κι σύρκεται
να σκώντς ατό βαρύν ι…
Τ’ έμπρια σ’ Τσίπρα, τρανόν λιμνήν,
οπίς τρανόν λιλίνι
εσέν τουζάκια έστεσαν
θα τρώνε και την ψήν ισ.
Ατσά να κλαίς ή να γελάς;
Ατώρα ντο θ’ εφτάς ,
΄ς σα σκατωμένα λάχανα
θα κλώσκεσαι να πας…!
Εσέν περμέν’ ο Σόιμπλε
κι η Άγγελα η Μέρκελ,
Θα λένε ‘σέν ‘ς σην απαντή σ’
΄΄καλώς κι απόθεν έρθες..΄΄
Τα τράπεζας ευκαίρωσαν
κ’ εγένταν τα ταμεία,
άμον τσουβάλια εύκαιρα,
κλάμαν και ερωνία ..
Και ο λαόν, ο άχαρον,
εσάσεψεν κ’ επέμνεν’
καμίαν, ντο ‘κ’ ενούνιζεν,
‘ς σον κώλον ατ’ εσέβεν.
Εσέν καλά δερμένεψεν
Ομπάμα, ο αμερικάνον,
τα μαλλία σ’ θ’ ασπρίζ’ν ατά
Στρατούλης, Λαφαζάνον….
