Τι σχέση έχει με την αγάπη ο έρωτας;
Η αγάπη είναι αυταπάρνηση, ο έρωτας εγωισμός.
Άγγελος Τερζάκης, 1907-1979, Έλληνας συγγραφέας
Σ σην εγκλεσίαν όντες πας ,
‘ς σα ιερά μ’εμπαίνεις,
θα κολατίουν οι αγγέλ’
κι άλλ’ απ’ απέσ’ ‘κ’ εβγαίνεις.
Σ σην εγκλεσίαν όντες πας,
το βράδον, τη Λαμπρήν ι,
αρ’ δός ‘μεν χριστοφίλεμαν
κ’ εγώ Θεού παιδίν είμ’.
Σ σην κάρδια μ’ να κουπίεσαι,
θ’ακούς παρακαλίας,
θ’ ακούς τραυαγγελίσματα,
κ’ εγάπς ‘ξομολοϊας.
Σ σην κάρδια σ’ κείται μάλαμαν,
χρυσόν μαργαριτάρ’ ι,
και ‘κειν τα εμορφάδας ισ’,
‘ς σ’ εμέν είναι καμάρ’ ι.
Σ σην μαχαλά σ’ κουρφίζνε ‘σεν,
ίλλιαμ ‘ς σην γειτονία σ’,
κ’ εσύ εμέναν έκαψες
απ’ έξ’ κι από καρδίας.
Σ σην ψη μ’, το ανατάραγον ,
‘ς σην ψη μ’, το χαρεμένον,
εσυνεσέβεν η σεβτά,
σκεπίδ φαρμακωμένον.
Σ σην ψη σ’ πουλόπα κελαηδούν,
τσιτσέκια σκουντουλίζνε,
απόψ’ τ’ ομμάτια σ’ χαίρουνταν,
ας σην εγάπ’ δακρύζνε.
Σ σο δος με, δος με, έμαθες,
νε τσούνας θεγατέρα,
ο έξεργο μ’ εγέντονε
έπεργος με τ’εσένα.
Σ σο δώμα, δώμα έμαθες,
και κ’ εγροικάς να δίς με,
σεβτάν κρατείς, σεβτάν ‘κι δίς
πολλά σπιχτέσα είσαι.
Σ σο κάρδοπο μ’ επέρε’ ‘με,
τ’ εγάπ’ς η βουκεντραία,
και ν άλλο κ’έσκοσα κιφάλ,
νε σκήλ’ γεννημασαία.
Σ σο κάρδοπο μ’ τονάτεψα
έναν ανθιάρκον τόπον,
ν’ εμπαίντς, εβγαίντς, χαβασλαεύς
ανοιξεζνόν πουλόπο μ’.
Σ σο σπίτι σ’ πάω κ’ έρχουμαι
άμον κατάρας κρίμαν.
κ’ εσύ την πόρταν ασπαλίεις ,
αναθεμά σε ποίμαν…
