Τσίπρα, γουρπάν να ίνουμες
‘ς σα γελαστά τ’ ομμάτια σ’,
ερρούξες την αριστεράν
‘ς σοι κεφαλαιοκράτες..
Τεσόναν το μνημόνιον
‘γάμεσεν όλια τ’ άλλα,
κι αν επορούν, θα παίρνε ‘μας
το ψωμίν και το γάλαν..
Ο Τσίπρας έν “εγνωστικός”
και πολλά “νουνιγμένος”,
‘ς σην Ε.Ρ.Τ. άμαν επέρεν ατς
όλτς τοι απολυμένους…!
Άντσαχ’ τ’ αεροδρόμια
επούλτσεν όλια μίαν,
γιατί ‘ς σ’ ατά εδούλευαν
χωρέτκα σκύλλ’ παιδία..!
΄΄Ο Τσίπρας έν αριστερός
θα κλείν’ και τα κανάλια…
Θα παίρ οπίς, ντο έκλεψαν,
τ’ Ελλάδας τα γαρτάλια΄΄…!
Κ’ εν ας ‘ς σα “λίστας”, τα πολλά,
θ’ εγόμωνεν παράδας
τα εύκαιρα τα τράπεζας,
ντο έσαν μουταράδας..!
Κι αέτς έρθαν και έντανε
τα capital controls,
απές π’ εφέκεν την παράν
τη γης ο παλαλός.!
‘Σ σον Θ’όν εσουν, νε ψηφοφόρ’,
ατόναν συγχωρέστεν,
μίαν κι άλλο ‘ς σο άλογον
ατόν καλοκαθέστεν…
