Τον Τσίπραν επενέσπαλαμ’
‘ς σο Euro-group μερέαν,
Εκεί, ντο σπίγκ’νε κάκκαλα
και κρούνε μαχαιρέαν….!
Αλέξης εγιανάσεψεν
Τούλα, τούλα, τη Μέρκελ’,
νέος, γιοσμάς και έμορφος
τρανόν σεβντάν εχτέθεν…
Κ’ επόρεσεν ν’ εχάλανεν
το τρανόν το χατίρ’ ν ατς,
‘ποίκεν το χρέος, τ’ εθνικόν,
εσάρεψεν την ψην ατς..
Ας κάθεται να ησυχάζ’
και έρται με την υίαν,
ατέ, τη σκύλ’ η Άγγελα,
κατήβασεν τ’ ωτία τ’…!
Είπαμε, ας αφήνουμε
ολίγον τη γιαχάν ατ’,
ας σο χρέος να μη τσοκεύ’
και χάν’ το εχτιπάρ’ ν ατ’.
Κι άμον ντο έρθεν, έβαλαν
αφκά ‘κεικά και κρούν’νε,
να υπογράφτ’ μνημόνια,
τον κόσμον να γελούνε…!
Κρούει Σαμαράς, ο ανέντροπον,
κρούει κι ο Βενιζέλον,
κρούνε το MEGA και το STAR,
κι ο Σόϊμπλερ, ο ξένον…
Ατόν εποίκαν αρχηγόν
με το τρανόν τη χάρην,
τον Βαρουφάκην π’ εποίκεν
άμον τσιλέρ’ μουσκάρι.!
Θέλ’ η Ελλάδα να πεινά,
ψωμίν να μη χορτάζει,
ατέν, την χρυσανάλλαχτον,
να στείλ’ και αγοράζει..!
