Ατοίν, ντο ετοούσευαν
ας ‘ς σο πρωί ους το βράδυ
‘ς σ’ έναν το μέρος έρθανε
για τη ΄΄ευρώ΄΄ τη χάρην..
Πασόκ, Ποτάμ’ και Σύριζα
και Νέα Δημοκρατία,
μαζί εσυνετάγανε
κ’ εποίκαν συνεργίαν.
Ο φόβος σκύλλ’ υιός πα έν
πίτας, λαβάσια ψένει,
ότιναν έχ’ το καπαέτ’
εκείνον τσαβιρεύει…
Κι αέτς με τα μνημόνια
και το πολλά τον φόβον,
θα ζούμε και πορεύκουμες
χωρίς μιγκίν και τρόπον.
Όποιος θέλ’ να σκών’ κιφάλ’
‘ς σην γερμανοκρατίαν,
με το σεμέρ θα σύρν’ ατόν
‘ς σα στράτας, ‘ς σην πλατείαν.!
Η Ελλάδα μουν, ντο έξεραμ’,
ατώρα εμεταλλάεν,
κατήβεν ας σο άλογον
και ‘ς σο γαϊδίρ’ ετάεν.
Αβούτο η Ελλάδα μουν
θέλ’ αρχηγόν με πόγια,
το δίκαιον να βασιλεύ’
ας σ’ εύκαιρα τα λόγια…
Οι τεμπελάντ να ίντανε
‘ς σ’ έναν τεμπελχανάν ι,
και οι κλεφτάντ να κλώσκουνταν
‘ς σ’ έναν μικρόν οτάν ι…!!
