Απ’ ουρανού χαπάρ’ έρται,
μένεμαν χαρεμένον,
άστρον λαμπρόν, τρικάλαμπρον,
φωτάζ’ τον γεννεμένον.
Έρθεν η ώρα τη Χριστού,
Φως, φωταχτέρ’ ημέρα,
χρόνια πολλά, χρόνια καλά,
χρόνια γαληνεμένα..
Χίλια ευχάντας γελαστά,
μυριόστομα ευχία,
ροδόσταγμαν να ίντανε
‘ς σα πονεμένα ψήα..
‘Σ σ’ αποψινόν το γέννεμαν
καρδόπα αγαπούνε,
καλανταρίζ’ η κεμεντζέ,
παιδόπα τραγωδούνε…
Αγγελικόπλαστον καϊτέν
παίζνε τα χιλιαύρια
κι η γη ειρήνην αναμέν’
έι μαύρε ,κόσμε, μαύρε..!
