Στο πέραν, στο αντίπεραν, στο κρύον το πεγάδι
κατέβαν δράκοι Έλλενοι και δεκαφτά ποπάδες
κ’ είχαν τον μέγαν αρχηγόν, τον δράκον Ιωάννην
κι ας ση λαλίαν τη σπάθιας ατ’ εσείουτον ο κάστρον.
Σαρακενούς επόντεσεν σου Ρωμανού τον κάμπον
σου Ήλιου το βασίλεμαν σην παραποταμέαν
Χίλιοι , μύροι πολέμισαν σο δεξιόν του Γιάννη
κι η μάνα τ’ εκατέβαινεν ας σο ψηλόν το όρος,
είχεν γούρους και στρατηγούς φίλους τους λεοντάρους
είχεν και τον μικρόν υιόν , τον γιον τον Κωσταντίνον.
Καβάλκεψεν και έσυρεν απέσ’ σην μέσ’ ευρέθεν.
Άλλους τρώει ο μαύρος ατ’ και άλλους το σπαθίν ατ’
εγώ αν επολέμησα πάς κι’ έν από καρδίας;
Αν αποθάνω μαύρεσα, πάω εντροπιασμέντζα,
αν αποθάνω κόκκινος , πάω με την χαράν μου…
λεξιλόγιο : Σαρακενοί =Άραβες ( οι φέροντες σαρίκι) Επέντεσεν =συνάντησε, Γούρους= άνδρες δυνατούς ( αρχ- Κούρος) Μαύρος=άλογο,
