επάτεψαμ’ ‘ς ση θάλασσαν, αρτούχ’ άλλο ‘κ’ εφάνθαμ’……
Δημοτικό άσμα
Μαύρα χαπάρια έρτανε
‘ς σ ανατολή και δύση,
αβού τη κοσμί το στουράκ’
θαρρείς και θα κρεμίσει..
Το τρίτον το μνημόνιον,
ατό πολλά τσατίν ι,
ας σ’ εφτωχόν τον άρθωπον
τιδέν ‘κι θα αφήνει..
Θα κόφνε τα μισθούς εμούν,
λιφτάζνε τα συντάξεις,
τεάμ’ θα βάλνε τον λαόν
‘ς σ’ έναν σειράν και τάξην..!
Το μεροδούλ’ ‘κ’ ευρίεται
νυχτοκαμάτ’ εχάθεν,
ο ήλεν εθωρίασεν
κι ο φέγγον επιάστεν
Άντσαχ κουρούνας έρθανε,
‘ς σο μεσορδάν’ εκάτσαν,
άμον εκείν’ τα τρόικας
τα ψύα ‘μουν ντ’ εμάντσαν..!
Άντσαχ ταβίζνε ‘ς ση βουλήν,
Κρούν, παίρνε, τοουσεύνε,
κι όντες πάνε ‘ς σον Σόιπλερ
κλίσκουνταν και κουλεύνε…
Τα τάματα φαντάγματα,
όλια ένταν λειφτασέας..!
κι ο Μητσοτάκης αναμέν
αρ’ άμον χωμολέας…!
Τερούμ’ οπίσ’ και χαίρουμες,
έμπρια τερούμ’ και κλαίμε,
τα κεμεντζέδες ΄κόφωσαν,
τραγωδίας ‘κι λέμε…
Κι ο κόσμον απαργόρετος
περμέν’ Λαμπρής ημέραν,
να σκών’ η Ελλάδα ‘μουν κιφάλ’
κ’ ελέπ’ άσπρον ημέραν..
Αέτς κι εποίκαν τον λαόν
ν’ εφτάει ατς ο Θεόν ι,
μ’ έναν τσαντάχ’ να λάσκουνταν
άμον τον γυρευόν ι…!
Λεξιλόγιο: φρ. Τη κοσμί το στουράκ = ηθικός νόμος ,τσατίν(ι) – επώδυνο, λιφτάζ’νε = μειώσουν, τεάμ’ = άραγε, εθωρίασεν = θάμπωσε , Φρ: Ο φέγγον επιάστεν = το φεγγάρι δεν βγήκε, κουρούνας= οι κάργες, μεσορδάν= το κέντρο της σκεπής, εμάντσαν =έκαψαν, τοουσεύνε= διαπληκτίζονται, κουλεύνε =προσκυνούν, χωμολέας= πονηρός άνθρωπος.
