Χριστέ μου, αναμέν’νε ‘σέν
‘ς σ’ όλια τη γης τα μέρη…!
υείαν ’κ’ ειρήνην για να φέρ’τς
και ζούμε χαρεμένοι.
Υείαν κ’ ειρήνη ‘ κ’ έρθανε
άντσαχ λοιμός κι αντάραν,
εγένταν τα φιλέματα
‘ς ση γην αφ’κά κατάραν…!
Εκλώσταν και τερούν εσέν
απές ‘ς σο παθενίν-ι,
τη γης οι ψυχομάχετοι
εφτάν την προσευχήν-ι…!
Χριστέ μ’, ας σο θανατικόν
γουρτάρεψον τα ψύα,
μανάχα ντο ψυχομαχούν
κρίμαν και ερωνία …!
Χριστέ μ’, οφέτος μ’ ανασπάλ’ς,
ποίσον την ανθρωπία σ’ ,
‘ς σ’ αρχόντ’ς και ‘ς σ’ απανώτερους
στείλον την ευλογία σ’..!
