Έϊ κιτί ! παλαιά καιρούς
και δοξασμένα χρόνια..
Τ’ ευρώ ποτάμ’ εγίνουσαν
κ’ εν έτρεχαν ‘ς σα δρόμια…
Ας έρθαν τα μνημόνια
oλεν οικονομίαν,
ας σο τρίμαν κι ας σο μαλέζ’
επρέστεν η κοιλία.
Το τρίτον το μνημόνιον
έν το παιδίν τη Τσίπρα,
ο Πρετεντέρης κι ο Αυτιάς
λέγ’ν’ ατό μέρα, νύχταν..
Aρ’ έρθεν και ο χειμωγκόν,
έρθαν τα κρύα μήνας,
έστειλαν και τα χρέητα
ένφια κ’ εφορίας..
Τα ξύλα πα ακρίβαιναν
και το μαζούτ’ εχάθεν,
τ’ αέριον ‘κ’ ευρίεται
και το καρβόν ‘νεσπάλθεν.
Ο λαόν θα πλερών’ ατά
με την οικονομίαν..!
Το σπίξιμον τη ζωναρί
το τρανόν τη νεστείαν.
Κι οι βολευτές θα καλατσεύν’,
θ’ εφτάνε πως ταβίζ’νε’,
να κόμπών’νε τοι εύκαιρους,
ξαν ατοίντς να ψηφίζ’νε.
Αβούτα τα μνημόνια
και τα ανεχετείας,
εποίκαν τα παιδία μουν
εξ’ ας σα υπαντρείας…!
Άλλο παιδία κ’ έρχουνταν
χάταλα ‘κι γεννίουν,
νεόγαμοι ‘κι χαίρουνταν
κι οσπίτια ‘κι ανοίουν
Κι αέτς αβούτο το μιλέτ’
θα χάται ας ση στράταν,
θα κατακιφαλιάεται,
ας ση κρεμού την άκραν…
