Γνωρίζει δώδεκα τρόπους να προσπορίζεται χρήματα
εκ των οποίων ο τιμιότερος είναι η κλοπή. Εμμανουήλ Ροΐδης, 1836-1904, Έλληνας συγγραφέας
Εφτάν παλαλά οι γονέοι και τα παιδία ευρίκ’νε.
Λαϊκή παροιμία
Εγέμνες Μαύρη θάλασσα
και πέλαγος Αιγαίον,
απάν ‘ς σο χρέος το παλέν
φορτών’νε ‘μας το νέον.
Ντο έν αβούτο το κακόν,
ντ’ ερρούξεν ΄ς σο λαόν ι;
Τρία χρόνια πλερώνουμε
και το χρέος απλώνει.
Κι όλον λέγνε ,κι όλον λέγνε
για τ’ εσάς εμείς παλεύουμ’,
το καλόν εσουν εξέρουμ’
και ν εσάς θα γουρταρεύουμ’.
Είνας ψεύτες, άλλος κλέφτες
και ο δίκαιον πα μέφτες,
την δουλείαν καλά εξέρνε
εφτάν’νε, πως τοουσεύν’νε.
‘Κ’ έν σωστόν ‘ς σ’ αβού τον κόσμον
άλλ’ να έχ’νε και να τρών’,
κι άλλ’ να τερούν από κάθεν
τον πολύσπλαγχνον Θεόν.
Ας μοιράζνε τα κλεμμένα
και ντ’ επέραν την παράν,
όσπουτα να συνορθούμες
και εφτάμε σιρμαγιάν….
