Είπαμε να κάνει ένα δωράκι στον εαυτό του,
αλλά όχι και 500 εκατομμύρια! Αντρέας Παπανδρέου, 1919-1996, Έλληνας πρωθυπουργός
Το χρέος ντ’ εφορτώθαμε, ,τρανόν γομάρ, ‘κι σκούται,
ν’ αϊλί εκείν τη γενεάν, ατό που θα φορτούται…
Ν’ αϊλί εμάς ντο έπαθαμ’, κι άλλα ντο θα παθάνουμ’,
άλλο ‘κι δίν’νε ‘μας παράν, να μη κακομαθάνουμ’.
Όσα και να δάνειζ’νε μας, εμείς θα ψαλαφούμε,
τον βίον μουν και τη γης όλια πα θα πουλούμε.
Ό κόσμον πα εγίλεψεν , εμάς ικράχ εποίκεν,
τα χρεατά τουν είπανε τερέστεν και νεβζήστεν!
Ατσά ποίος επέρανε πεσίνια τα παράδες,
κ’ ερρούξαν αραεύν’ ατά τριακόσοι αβαράδες.
Ατώρα έρθεν ο καιρός , ν’ εφτάμ’ τη λογαρίαν,
ς’ σην Ελλάδαν το κλέψιμον , τρώει ατο η σκοτία.
Αβούτο η Ελλάδα μουν , έντον περ’γελεξία,
ναϊλί εμάς να βάϊ εμάς, πάρθεν η Ρωμανία.
Τα δόξας και τα κάλλη μουν , που είχαμε απ’ άρχης,
εζέλεψανε οι τρανοί,, κ’ ίλλιαμ ο πλανητάρχης.
Επέραν τ’ αργυρόν σπαθίν, και το χρυσόν κοντάρ’ι,
θα παίρ’νε και τ’ οσπίτια μουν, ντ’ έχτσαμε ‘ς σο παρχάρ’ι..
Κι έναν πουλίν, καλόν πουλίν, εβγαίν κι απολογάται,
αβού το κράτος ‘κ’ ίνεται, τοι κλεφτ’ς αν συγχωράτεν.
Αν θέλετεν να ίνουμες, ένδοξον Ρωμανία,
ανοίξτεν φυλακήν τρανόν , και βάλτεν τα σκυλία!…
Λεξιλόγιο:
Εγλεντσέδες- Μουχαπέτια= Γλέντι, διασκέδαση. Μαγαρά = Τούνελ, Στοά. Χαβίτς= κρέμα από αλεύρι και ανθόγαλα. Κανείνταν = Φτάνουν, επαρκούν. Γομάρ = Φορτίο. Βερεσιάν = Επί πισώσει .Πας Κεπιαζέν = Πανάθλιο Ιταμό. Σερμαγιά = Χρηματικό κεφάλαιο, Αποταμίευση. Γιαγκμάν = Κλεψιά. Περ’γελαξία = Άξια εμπαιγμού. Ίλλιαμ = Προ παντός, Ιδίως Να ίνουμες = Να γίνουμε . Ρωμανία= η ελεύθερη Ελλάδα
