Ξενοφών, 430-355 π.Χ., Αρχαίος Έλληνας ιστορικός
Ο μη εργαζόμενος μηδέ εσθιέτω.
Απόστολος Παύλος, Ο Απόστολος των Εθνών
Όσο πιο σκληρά δουλεύεις, τόσο πιο δύσκολα παραδίνεσαι.
Vince Lombardi, 1913-1970, Αμερικανός προπονητής ράγκμπυ
Ας έμ’νε συνδικαλιστής κι ας είχα έναν ομάτ’ ι,
΄ς σην γήν απάν ‘κ’ ευρίεται άμον ατό ραχάτ’ ι.
Ας έμ’νε συνδικαλιστής ‘ς σ’ αβούτο τη ζωήν ι,
και ‘ς σο ψωμί μ’ να έλειφτα βούτορον με ταχίνη.
Ας έμ’νε συνδικαλιστής, ασούχ’ς και ζαμπαράνος,
΄΄εργάτ’ ας έσαν πρόατα κι εγώ ας έμ’ν τσοπάνος΄΄.
Ας έμ’νε συνδικαλιστής, είκοσ’ τριάντα χρόνε,
κ’ επαίρνα δύο συντάξεις,΄΄ τα πόνια μ’ να λαρών’νε΄΄.
Αν έμνε συνδικαλιστής με τ’ όλ’τς θα έμ’νε φίλος,
με τον λαόν, με τον Θεόν και με τον σκύλον σκύλος.
Αρ αρ’ αβούτο έν ζωήν, να είσαι άμον σουλτάνος
τ’ εξεργατί ο σααπής , τ’ επεργατί τουσμάνος.
Οι άλλ’ να κάμ’νε και να τρών’ τα έμορφα τα χρόνια
κ’ εσύ να ζεις και χαίρεσαι και πάς ‘ς σα παραμόνια.
Παρακαλώ ‘σας νε, εργάτ,’ ψηφίστε ‘μεν ν’ εβγαίνω,
να παίρω κι οδοιπορικά μωατσίρτς, μ’ απομένω!!
‘Σ σην Αθήναν αχπάσκουνταν, τα ναύλα πλερωμένα
και σε ΄΄Ηotel πεντάστερα΄΄ κείνταν τουρουλεμένα.
Και κύρ’τς και μάνα έτονε για τ’ εσάς η Δ.Ε.Η.
χρόνια ,ντο επεσλάευεν, κ’ εδίνε ‘σας φαΐν.
Και οι εργάτ’ πουγαλεμέν’, δίκαιον αραεύνε,
εξέρνε το ταράφν’ ατουν κι από σουμά τουν φεύ’νε.
Κι όντες θα έρταν τ’ εκλογάς ‘ς σ’ οσπίτια μουν μονάζ’νε,
‘ς σε κάθα είναν βουλευτήν τα ψήφους εμουν τάζ’νε.
Γουρπάν εγώ να ίνουμαι ‘ς σ’ αβού την εξουσίαν,
ζεστόν γιατάχ εγούρεψεν για τα ΄΄καλά παιδία.΄΄
Ατοίν καλά παιδία είν’, άλλ’ έχ’ν τα καπαέτια,
ντ’ εφέκανε απλέρωτα τη κόσμονος τ’ αμέκια.
Αναθεμά άμον ατό νόμον και ευνομία,
έναν βούραν καθέτεροι να διαφεντεύ’ν τα ψύα.
Άμον ατά συστήματα έρθαν’ κ’ επεκρεμίγαν,
κ’ επέμνανε ανάγραφα ‘ς ση γης την ιστορίαν…
