Συμβαίνει τώρα
Αρχική > Στήλες > Καφέ Ρωμανία > Ο Σάλτσον και ο Συνταγματάρχης – του Παναγιώτη Μωυσιάδη

Ο Σάλτσον και ο Συνταγματάρχης – του Παναγιώτη Μωυσιάδη

Κοινοποίησε το....
Share on Facebook
Facebook
Tweet about this on Twitter
Twitter
Print this page
Print
Email this to someone
email




subscribe!





‘Σ σα 1973 τη χρονίας καλοκαίρτς καιρός έρθεν ας σην Γερμανίαν ο Νικόλας τη Τάσας..

Ο Νικόλας όσα έρχουτον επαίρνεν τον Σάλτσον με τ’ ατόν κ’ ελάσκιζεν ατόν μίαν σο Καϊλάρ μίαν ‘ς σην Θεσσαλονίκην .. Πολλά εχαβασλάευεν την παρέαν ατ’.

Ο Σάλτσον εφόρεσεν κ’ ενέλαξεν το κασμίρ’ το κοστούμ’  εσκεπάεν το ρεπούπλικον ψυλός ψυλός εγέντον τελήκανλης. . Εσέβεν ‘ς ση Μερσεντέζ το μαύρον  κ’ αρτούχ ευρέθαν με τον Νικόλαν ‘ς σην Ευαγγελίστριαν.. ( Εποίαν να ελέπνε έναν φίλον ατ’ συνταγματάρχην).  Εκάτσαν ΄ς σην αύλεν οξουκά . Τ’ οσπίτια ατότε ακόμαν μονοκατοικίας έσαν…                                                 Ο συνταγματάρχης με τ’ άστρα ‘ς σ’ ομία τ’,   γαρσί ‘ς σον Σάλτσον καλατσεύν’ε ποντιακά και πίν’νε τσίπουρον . Αρ είπαν, είπαν, κάποτε ο συνταγματάρχης  ερωτά τον Σάλτσον  :

-Κοσμά ‘ς ση Ρουσίαν εποίες καμίαν;

-Πώς ‘κ’ εποίγα ας σο 1916 εκές έμνε…

-Εγώ πα είχα έναν αδελφόν εδούλευεν ‘ς σο Κρασνοντάρ ΄ς σα γραμμάς..

-Νέπε τον αδελφός γιαμ’ έλεγαν  Γιώργο…!

Ο συνταγματάρχης μόλις έκ’σεν τ’ όνομαν τ’ αδελφού ατ’ ,τ’ απάν’ ατ’ εμερμυκίασεν…

-Γιώργο έλεγαν ατόν …! Εξέρ’τς τον αδελφό μ’… θεέ και κύριε είπεν  .. ο Θεόν έστηλε ‘σε.. ..Επέρασαν 50 χρόνια ας τ είδα τον.. Επέμνεν εκέσ’…. Έναν αδελφόν είχα κ’ εχάσα τον..

– Με τον αδελφό σ’ πολλά καλοί φίλοι έμνες .  Ετον ψηλός με το μουστάκ’, πολλά καλόν παιδίν και δουλευτέας. Κάθαν βράδον έπαίναμε ‘ς  κ’ έπιναμε εντάμαν..

Ο συνταγματάρχης, όσο ο Σάλτσον έλεεν τα ιστορίας τη αδελφού ατ’ έπινεν κ’ έκλεεν..

Εκρεμάεν ας σο στόμαν τη Σάλτσονος. Κάποτε σίτε κρούν τα ποτήρια ερωτά τον Σάλτσον.

  • Κοσμά ατσάπα ο αδελφόν να ζεί …κι αν ζεί πόσον χρονών να έν’;
  • Ο Σάλτσον ετέρεσεν ατόν μίαν αγνά ‘κ’ εκαλάτσεψεν..
  • Ο συνταγματάρχης ξαν’  ερωτά ‘τον :
  • Κ’ είπες με πόσον χρονών να έν’ ατόρα ;
  • Νέπε.. και πασκίμ’ ντ’ εγάμεσα τη μάνα σ’, ν’ εξέρω πόσο χρονών έν’…!                                Ο συνταγματάρχης επάγωσεν κ’ επέμνεν με το ρακίν ‘ς σο χέρ’ ….

 

Εσκώθαν έρταν. ‘Σση στράταν λέει ατόν ο Νικόλας:                                                                                – Θείο Κοσμά… ντο λόγος έτον, ατό ντο είπες ;

-Άκσον Νικόλα: ‘ς σ’ αείκα ερωτήσεις… αείκα απαντήσεις ιεύνε…….!

 

Κοινοποίησε το....
Share on Facebook
Facebook
Tweet about this on Twitter
Twitter
Print this page
Print
Email this to someone
email

Στείλε μας Φωτογραφίες, Μηνύματα και Καταγγελίες στο ptolemeos@e-ptolemeos.gr
sidiros
x

Check Also

Οι μουσικές επιλογές του e-ptolemeos.gr – Anni-Frid Lyngstad – Så Synd Du Måste Gå (It Hurts To Say Goodbye) (1969)

Κοινοποίησε το....FacebookTwitterPrintemail Δείτε επίσης στο E-PTOLEMEOS.GR: «Γαλάζιος πονοκέφαλος» η Δυτική Μακεδονία, σύμφωνα με τη στήλη του Μικρο-πολιτικού της εφημερίδας ΤΑ ...