Συμβαίνει τώρα
Αρχική > Στήλες > Καφέ Ρωμανία > Χαρδούβελης ο φοβητσέας ! Του Μωυσιάδη Παναγιώτη

Χαρδούβελης ο φοβητσέας ! Του Μωυσιάδη Παναγιώτη

Μοίρασε το άρθρο...Share on Facebook
Facebook
Tweet about this on Twitter
Twitter
Email this to someone
email






Έσέγκαν  τον λύκον να φυλάττ’ τα πρόβατα..

Χαρδούβελης πα έβγαλεν

οξούκα την παράν ατ’,

καμίαν πώς ‘κ’ ενούνιζεν

θα πιάνε τη γιαχάν ατ’.

 

Τη σκύλλ’, τον αθεόφοβον,

ντ’ εποίκεν τη δουλείαν !

Τον λύκον ‘σέγκαν ‘ς σο μαντρίν

να φυλάττ’ τα αρνία…

 

Νασάν εσέν, Χαρδούβελη,

πώς εγροίξες κ’ εποίκες,

ατό, ασού εποίκες α’,

άλλο τιδέν κ’ εφήκες.

 

Άλλο καλλίον ‘κ’ είχανε

ατοίν, οι πασοκτσήδες;

Άμον κ’ εσέναν  ποίημαν

έσανε  οι κιοτήδες.

 

Έϊ μαύρε, και χιλιάκλερε,

λαέ, πουγαλεμένε,

ατοίν θα πάνε ‘ς σην δραχμήν

κι ας λέγ’νε  και ας κλαίγ’νε.

 

Ατοίν εξέρ’ναν, ντο εφτάν’,

κ’ έβγαλαν τα παράδας,

η  Ελλάδα μουν να απομέν’

μ’ ολίγα μουταράδας.

 

Ας τερούμ’ πώς θα κλώσκεται

Αλέξης, ο μικρίκον,

Ατός, μικρίκον πρόατον

κι ο Σόιμπλερ, ο λύκον.

 

‘ Σ αβούτα τα καιρούς εμούν

πού να ευρήκ’ς τον άγιον ;

Ο τσίπ’ καλλίων ας ατοίν’τς

γαντούρεψεν τον χάρον….

 

Χαρδούβελη ,νασάν εσέν

και την οικονομία σ’,

γουρπάν ‘ς σ’ εσέν να ίντανε

ο κύρ’τς και τα παιδία σ’.!!!

 

Εσύ εσέν ‘κ’ εκόμπωσες

κ’ επέρες τα παράδες,

η Ελλάδα μουν να εφτωχύν’

υπουργοκερχανάδες ….

 

 

Μοίρασε το άρθρο...Share on Facebook
Facebook
Tweet about this on Twitter
Twitter
Email this to someone
email

Στείλε μας Φωτογραφίες, Μηνύματα και Καταγγελίες στο ptolemeos@e-ptolemeos.gr
kotzampasis

Συντάκτης: Παναγιώτης Μωϋσιάδης