Δεν υπάρχει πιο ακριβής
ένδειξη κακής οργάνωσης της πολιτείας,
από την αφθονία γιατρών και νομικών.
Πλάτων (αρχαίος Έλληνας φιλόσοφος 427-347 π.χ).
Άγγελα Μέρκελ έγκε ‘μας
‘ς σ’ εκείν τα μαύρα χρόνια,
ντο έτρωγάμε τσιριχτά,
πουσίντια και συρόνια!
Aτέ εξέρ τ’ αλισβερίσ’,
τ’ ατηνές το συμφέρον.
Τ’ εμέτερον ο Σαμαράς
άμον σασουρεμένον.
Άντσαχ εξέρ’ να λέει ‘μας εν,
ανάπτυξην θα φέρ ‘μας,
θα τρώμε με χρυσόν χουλιάρ’
κι ο χάρον ‘κι θα παίρ’ ‘μας.!
Γουρπάν σ’εσέναν, Σαμαρά,
να ζεις εκατόν χρόνια,
γερόλυκος να ίνεσαι
και χαίρεσαι τ’ εγγόνια σ’.
Εσύ γομάρια ‘κ’ επορείς
να κουβαλείς σ’ ορμάνια,
μ’ οθόγαλαν ετράνυνες
σισλίκια και τσιλγάνια!
Άμαν εμάς πα άφ’σο ‘μας
να σύρουμ’ τ’ εφτωχίας,
να σύρουμε τα τέρτια μουν
κι όλια τα δυστυχίας…
Εσύ και πώς ετράνυνες
και πώς ελαλασεύτες;
Μίαν τη Μέρκελ προσκυνάς
και δεύτερον τοι κλέφτες.
Αβούτο η Ελλάδα μουν
αέτς κι άμον ντ’ εγέντον,
θέλ’ αγουρώτας περισσά
και παλικάρ’ Σαντέτκον.
Μίαν να κρούει τον λαλασάρ’,
δύο τον χαϊδεμένον,
τρία να κρούει τον άδικον
και τον πεσλαεμένον.
Σ σον Τσίπραν άντσαχ χοβλαεύ’ς
κ’ εφτάς το παλικάρ’ ι,
ζατί ατός μικρίτσικος
αρ’ άμον το κουτάβ’ ι.
Αν θέλ’τς να είσαι παλικάρ’
και γράφ’’σε η ιστορία,
πίασον τίναν έκλεψεν
γόμωσον τα ταμεία….!!
