Το ΠΑΣΟΚ είχε μπουφέ και έτρωγαν πολλοί, η ΝΔ έχει ροτόντα και τρώνε μόνο οι εκλεκτοί Λάκης Λαζόπουλος, Έλληνας ηθοποιός
Τριακόσια πεντικούδια
ολιγόπα ‘κι είν’.
Χωρίς φούρκαν κι είναν κάταν
όλιον τρών’ και πίν’….
Γυροκλώσκουν ‘ς σα τσουβάλια
και ‘ς σ’ αμπάρια απές,
‘ς σα ελάδια ‘ς σα τυρία,
‘ς σα κελάρια εμ ‘κές.
Πεντικούδια σίτε είναι
ολίγον ‘κι τρών.
Η γούλα τουν έν έναν στρέμμαν,
άμον αχερόν..
Τ’ ατοινέτερον το πάθος
έναν φαγοπότ’.
Μίαν τρών, μίαν γελούνε
με τ’ εμάς τ’ ανθρώπ’ς.
Αρ αείκα φαγωπότια,
άντσια ‘τά εφτάν.
Δεκαέξ μισθούς αρπάζ’νε
κι έναν παραπάν…
Αρ’ ατόσα τσαναβάρια
τρώγν ας σην ταγήν.
Ας ‘ς σην εντροπήν ‘κ’ εξέρνε,
εκρέμασαν κοσκίν.
Σ σ’ εύκαιρα τα τσουβαλόπα
πεντικούδια ‘κι είν’,
ατά ‘ς σα γομάτα πάνε
μερ ‘κες έχ φαϊν.
Τριακόσια πεντικούδια
ντο πολλά πα είν!
Είνας κάτα ‘κι κανείται
θέλν’ είναν κατήν.
Πεντικούδια θα μαϊρεύου μ’
το φαίν λειφτάζ’.
Φατέστεν ολίγον κι άλλο
ους τα εκλογάς…
