Στο μεγάλο πρόβλημα που ενέσκηψε στη χώρα μετά τις εκλογές του 2009 και τον τραγέλαφο της πολιτικής, που εκφράστηκε με δύο κωμικοτραγικές λέξεις ΄΄ Λεφτά υπάρχουν ΄΄. θα μπορούσε να απαντήσει κανείς με την ποντιακή λαϊκή σοφία.
Και βέβαια όταν διαπιστώθηκε ότι λεφτά όχι μόνον δεν υπήρχαν αλλά η χώρα ήταν χρεωμένη με 314 δισεκατομμύρια ευρώ, ο τότε πρωθυπουργός ,Γεώργιος Παπανδρέου ,θα μπορούσε να πουλήσει τρέλα στην κα Μέρκελ, γιατί γνώριζε πολύ καλά, ότι το ύψος του δημόσιου χρέους ήταν αδύνατο να αποπληρωθεί.
Στην παρακάτω αληθινή ιστορία, που διαδραματίστηκε στο Ανατολικό βρίσκεται η μεγάλη αλήθεια για τα λάθη και τις παραλήψεις των ελλήνων πολιτικών, που στα τελευταία πέντε χρόνια δεν μπορούν να πουν αυτό που είπε ο φτωχός Ματθαίος στον πλούσιο παντοπώλη Τζεπέλ.
Ποντιακά ιστορήματα
Ο Μαθαίον και ο Τζεπέλς
Ο Μαθαίον και ο Τζεπέλτς κουμπάρ έσανε . ο Μαθαίον, εφτωχός, μ’ ολίγα χωράφια επολέμανεν με το ζόρ να δικοπορεύ και ζει. Εκείνο τη χρονίαν έκαψαν και τ’ αχερών με τα γεννήματα και τα ζα .
Ο Μαθαίον, ας σο βελόν ‘ς σο ράμαν εγέντον .
Ντο να εποίνεν; Εχρεώθεν πολλά ‘ς σον πακάλ’ τη χωρί, τον Τζεπέλ. Κουμπάρ έσαν και ο Τζεπέλς κ’ επόρεσεν να χαλάν ετον.
Αρ εδέβεν ο καιρόν, χρέος ‘ς σο χρέος έρθεν το χρέος κ’ εγέντον ποτάμ’. Οι παλαιοί μουν έλεγαν: τ΄εμπάλ μικρόν και το τρυπίν τρανόν ( επονείδιστο χρέος)
Χρόνος ‘κ’ εδέβεν, ο μαύρον ο Μαθαίον ερρώστεσεν κ’ ερούξεν ‘ς σα κρεβάτια. Άλλο οξουκά ‘κ’ εβγών .
Ο κουμπάρος ατ’ ερώτανεν κ’ επερώτανεν: ντ’ εφτάει ο κουμπάρο μ’, πώς πάει; κάποτε είπαν ατόν: ‘κ’ εν καλά, τα ημέρας ατ’ κυλίζ’.
Ο Τζεπέλτς ενούντσεν, επενούντσεν ντο να εφτάει; Κουμπάρος κουμπάρος άμαν το χρέος πα κ’ ανασπάλ’. Αέτς πα επήεν να ελέπ τον κουμπάρον ατ’ και τερεί, ντο ίνεται.
Εσέβεν ‘ς σ οσπίτ’, εποίεν, εκάτσεν σουμά τ’ κ’ ερχίνεσαν να καλατσεύνε και ιστορίζνε τα παλαιά. Η γλώσσα τη Τζεπέλ’ εγλιάζ’ , αμάν για το χρέος τιδέν ‘κι λέει.
Επέρασεν η ώρα και ο Μαθαίον πα το χρέος ‘κι αγγέύ. Ο Τσεπέλτς έκοψεν τ’ ομούτια ετέρεσεν τιδέν ‘κ’ ίνεται και εσ’κώθεν να φεύ. ..
Άμον ντ’ έφτασεν ‘ς σην πόρταν κεκά ο Μαθαίον είπεν ατον : ΄΄ Κούμπαρε, εκείνο το χρέος ι μ’ ας εξέρτς ατό ‘κ’ ενέσπαλα ‘το …. Άμαν μη στεναχωρεύκεσαι …
για πάω και στείλω σ α’…. για έρχεσαι και δίγω σ α’….
