Όπως όλοι οι Εσκιμώοι αλιείς, όλοι οι Άραβες ιππείς, και όλοι οι
αρχαίοι Πάρθοι τοξόται, ούτως και όλοι οι σημερινοί Έλληνες είναι
πολιτευταί, όλοι ψηφοθήραι, όλοι κομματάρχαι και εκ τούτου και κάπως ρήτορες εξ ανάγκης!
Εμμανουήλ Ροΐδης | (Έλληνας συγγραφέας ) |
1836-1904
Εχ’ κ’ έρχουνταν τα εκλογάς
‘ς σε κανα δύο μήνας,
ας σο δεβαίν’νε κι υστερνά
θα ρούζουμε ’ς σα πείνας.
Ατό καλά εξέρν’ ατό
οσπιτιανοί κι οι ξένοι,
άνταχ’ ο μαύρον ο λαόν
τη κάκου κάτ’ περ’μένει.
‘Σ σ’ αβούτ’ αδά τα εκλογάς
τα κάλπας δύο, τρία,
θα ξεράται το χέρν’ εμουν,
να βουλώνουμ’ τρυπία.
Τα κόμματα πα ετούλωσαν
κι άλλο ‘κι δίν’νε χρίσμαν,
ατώρα είν’ δυσκοίλια
κι όλον εφτάνε κλύσμαν.
Άλλο ‘κι χρίζ’νε αρχηγόν
άμον τον πατριάρχην,
ατόν τιναν θ’ ορίζ’νε ‘μας
θα καίγ’ν ατόν απ’ άρχης.
Εγέντανε μουσχαροπέτσ’
κ’ εκάτσαν ‘ς σ’ έναν άκραν,
φοούντανε ας σον λαόν
να μη τρώγ’νε τη λάχταν.
Εχ’ κ’ έρχουνταν τα εκλογάς,
εσούμωσαν τ’ ημέρας,
τ’ άχαρα ψηφοδέλτια
άμον κουτούλα χέρα.
Κανείς εκές ‘κι γιανασεύ,
κανείς εκές ‘κι πάει,
ας σο τρανόν το φαγοπότ’
επέμ’νεν το συφάι…
