Τα εφτά κακά που δεν πρέπει να έχεις: Πλούτο χωρίς μόχθο, Γνώση χωρίς χαρακτήρα, Πολιτική χωρίς αρχές,
Απόλαυση χωρίς συναίσθημα, Εμπόριο χωρίς ήθος, Επιστήμη χωρίς ανθρωπιά, Αγάπη χωρίς θυσία.
Μαχάτμα Γκάντι, 1869-1948, Ινδός ηγέτης
‘Σ σ’ αβού τα χρόνια , ντ’ έρθαμε,
εχάθεν η αντρότε.
Το ψέμαν επερίσσεψεν,
έρθεν η γυναικότε.
‘Σ σ’ αβού τα χρόνια ,ντ’ έρθαμε,
είνας τον άλλον τρώει.
Κι αν αποθάντς, μονάζ’ν εσέν
‘ς σ’ έναν χώρας κατώι.
΄Σ σ’ αβού τα χρόνια, ντ’ έρθαμε,
πη δουλεύ ‘κι χορτάζει.
Πη κάθεται και λάσκεται,
τον κόσμον απιτάζει.
‘Σ σ’ αβού τα χρόνια, ντ’ έρθαμε
Το πιστεύω εχάθεν.
Ο άνθρωπον ‘θαρρείς κ’ εσύ
για το κακόν επλάστεν.
΄Σ σ’ αβού τα χρόνια, ντ’ έρθαμε,
τα ανθρωπίας εχάθαν.
Τ’ ορώματα εχόρωσαν,
τ’ ομουτια επιάσταν.
Ο πιστεμένον έντονε
Διάβολος, δεμονέας.
Κ’ εν από οπίσ’ τον άρθωπον
κρούει ατόν μαχαιρέας.
Ο άνθρωπον ‘κ’ ερέχκεται
κανάν ‘ς σην κοινωνίαν.
Με το συμφέρον ίνεται
εγάπη κι η φιλία….
Λεξιλόγιο: αντρότε= ανδρισμός, γυναικότε= θηλυπρέπεια, απιτάζει= προστάζει, εχόρωσαν=ξεθόριασαν, πιστεμένον= ο άξιος εμπιστοσύνης, ερέχκεται= δεν αποδέχεται
