Στις 16 Σεπτεμβρίου 1985, όταν το Υπουργείο εμπορίου ανακοίνωσε ότι
οι Ηνωμένες Πολιτείες έχουν πλέον εξωτερικό χρέος, η αμερικανική αυτοκρατορία πέθανε.
Gore Vidal, 1925-2012, Αμερικανός συγγραφέας
Ελλάδα μουν χιλιάμορφον
άμον εσέναν ‘κ’ έσαν’.
Ποίος εποίκε ‘σε γεσίρ’
και ποίος γυρευέσαν;
Μ’ έναν τσαντάχιν λάσκεσαι
μανάχος ‘ς σα χωρία,
εσύ, είνας ‘κοδέσποινα
και είνας αρχοντία.
Ερούξες ‘ς σο ψαλάφεμαν
και ‘ς σην διακονίαν.
Εσέν, π’ εποίκανε αέτς,
να έχ’ν’ την αμαρτίαν.
Ποι έφαγαν και ν’ έφαγαν
να ίντανε γουρζούλια.
Το έχ’ ν ατουν να ίνεται
χαράμια και πουρτούλια.
Ατώρα έρθεν η σειρά
ν’ εφτάμ’ τη λογαρίαν.
Πη ‘κι θα σπέρ’ κι θα θερίζ’
θα στέκ’ ‘ς σ’ έναν γωνίαν.
Αοίκον έν τ’ ιδίωμαν,
αοίκον έν ο νόμον.
Με τη δουλείαν πη ‘κι κάμν’
άμον σκύλος ‘ς σο δρόμον…
