Λάχανα δεν έχει ο κήπος και πεινάει το παιδί
φέρε του χοντρού το λίπος να το κάνουμε λαρδί
Άκης Πάνου, 1933-2000, Έλληνας λαϊκός συνθέτης
Ναϊλί εμέν, εγροίξα ‘το
τ’ εμέτερον το τέλος,
αν ‘κι ινανεύετεν εσείς,
γράψτ’ ατό ‘ς σ’ έναν μέρος.
Πολλά ‘κι πάει, θα έρχεται
και το σαράντα ένα,
η γιάγια μ’ πάντα έλεεν
κι εγώ εθάρρνα ψέμαν.
Για τ’ έναν φούρνικον ψωμίν
ανθρώπ’ θα προσκυνούνε,
τοι πλούσιους και τοι ζεγκίντς
θα κλείσκουν και τιμούνε.
Ελλάδα μουν θα ίνεται
άμον τη Βουλγαρίαν,
κατούδια θ’ αγοράζουμε
και θα πουλούμ’ σκυλία..
Αβουτείν’, οι τροϊκανοί,
πώς είν’ άμον εβραίοι;
Με την παράν ,ντο δίν’νε ,‘μας
φορτών’νε κι άλλα χρέη!!
Κι ο κόσμον ο μαυράχαρον
‘ς σο νούνιγμαν εσέβεν,
τα τρόϊκας ας έλεπεν
έναν πρωί να φεύνε.
