Είναι επικίνδυνο να έχεις δίκαιο, όταν η εξουσία έχει άδικο….. Βολταίρος
‘Σ σο καφενείον τη χωρί
ακούς την αληθείαν,
εκεί απές λογάσκουνταν
αρχόντ’ κι η εξουσία.
Πώς έγροιξαν και έφαγαν
παράν με τα τσουβάλια ,
και τον λαόν εφέκανε
‘ς σα πόνια και σ’ εφκιάρια.
Πώς εγροίξαν και είπανε
με τα πατμάνια ψέμαν
και τα παράδας τη κοσμί
ερούξαν ‘ς σην αέραν.
Ατόσα εκατομμύρια
για την Ολυμπιάδαν
αν είχαμ’ ατ’ οσήμερον
θ’ εσούτον η Ελλάδα.
Κλεφτάντ, απόθεν έρθετεν
και πόθεν ‘κες θα πάτεν,
εσείς τρώτεν και πίνετεν
κι ο λαόν μαρουκάται.
Είνας τον άλλον σύρν’ ατα,
ντ’ έχ’νε τα αμαρτίας,
και ν’ ας εμάς εχάθανε
όλια τα ευλοϊας.
Ούλ’ αραεύνε, ντ’ έντανε
τη κοσμί τα παράδας
ατσά πώς ένταν πλούσιοι
μ’ ολίγα μουταράδας;
Άντσαχ ατός που έκλεψεν
έναν οκάν κοκκία,
‘ς ση φυλακής τα σίδερα
θα σύρ’ τη μαναχίαν.
Λεξιλόγιο:
Λογάσκουνταν= Συζητούνται, λογοκρίνονται. Εφκιάρια= Λύπες-Μελαγχολίες. Πατμάνια = Μονάδα βάρους δέκα κιλών. Μαρουκάται = Μηρυκάζεται, Μουταράδας – ελάχιστα έσοδα. Κοκκία = κόκκοι σιταριού. Κατής = Δικαστής, Χρέητας = τα χρωστούμενα σε δανειστές. Χέρα = Χήρα. Άκλερος= ανήμπορη. Λαχτέαν= Κλωτσιά.
