Είναι καταπληκτικός αυτός ο μικρός ελληνικός λαός,
που εργάζεται και πετυχαίνει παντού εκτός από την πατρίδα του.
Edmond About, 1828-1885, Γάλλος συγγραφέας
Μαύρον κουρούνα αγραλαλεί
κι ουρνάται το θερίον,
μαύρα χαπάρια στείλ’ ‘μας εν
το διεθνές ταμείον..!
Ολόγιον έθνος θλίφκεται
κι οι ανθρώπ’ υποφέρ’νε
κι ας σα παράδας, ντ’ έκλεψαν,
τ’ ημ’σά οπίς ‘κι φέρ’νε..
Άντσαχ’ ουρνούνταν ‘ς σην βουλήν
αμόν άγρια θερία
και ο λαόν θαμάεται,
εφτάει τρανά ευχία.
Ατόν εκατηγόρεσαν
τρανόν κατηγορίαν,
ντ’ εψήφιζεν ανούνιγα
χρόνια γαϊδέρ’ παιδία.
Οι χρεφειλέτ’ επλαίθυναν
και ‘κ’ έχνε τελεσίαν,
η σύνταξη τη γέρονος
πεσλαεύ τα παιδία..
Ντ’ εποίκαν την Ελλάδα μουν
τρανόν έν ερωνία.
Πη αποθάν ‘κι κλώσκεται ,
μωρά ‘κ’ είν ‘ς σα κουνία!
Αβού το καταλάεμαν
ομοιάζ’ γενοκτονίαν!
Τα γράματα πα, π’ έμαθαν,
φεύνε ‘ς σην ξενιτείαν.!
‘Ολεν ο κόσμον αναμέν’
να ίνεται έναν θάμαν:
Η Ρωμιοσύνη ν’ εμπροπαίρ’,
π’ έντον βελόν και ράμμαν
Παρακαλώ ‘σε ,νε Θεέ μ’,
για ποίσον έναν θάμαν!
‘Σ σ’ αβού τον κόσμον, ντ’ έχτισες,
μη χάται η Ελλάδα…
