Διογένης τον έρωτα είπε σχολαζόντων ασχολίαν. μτφρ: Ο Διογένης είπε ότι ο έρωτας είναι ασχολία των αργόσχολων Διογένης, 410-323 π.Χ., Κυνικός φιλόσοφος
Εγώ πονώ και λύουμαι, κλαίω και ανασύρω, κ’ εσύ γαϊρέτ ‘κ’ εφτάς ατό, νε σκυλ αφορισμένον.
Εγώ τ’ αρνί μ’ ‘κι απίταξα ακόμαν ‘κι απιτάζω, μανάχον έρται ‘ς σην οδό μ’, εφτάει άμον το τάζω.
Εγώ τη μάνα μ’ είπ’ ατό, εσύ θα είσ’ η κάλη μ’ εσύ ιγεύς ‘ς σον πρόσωπο μ’ και παρλαεύς ‘ς σο γιάν ιμ’.
Εγώ τιδέν ‘κι ψαλαφώ , νε τσούνας θεγατέρα, τη νύχταν έλα ‘ς σ’ όρωμα μ’ και δέβα, χάθ’ τη μέραν.
Εγώ τίναν εγάπεσα , κορίτζ’ μαυρομματέρκον, ήλεν ‘κι πεενεύκεται, ‘κι λογαρέζ’ τον φέγγον..
Εγώ, τη Θεού το πουλίν και τη Χριστού η εικόνα, πώς εγροίξα κ’ ετσάτεψα με ‘σεν την καρδοφόναν.
Εδέκα ‘σεν ασχώριατον , τη γης τα κοσμοδώνια, κι ακόμαν στέκς αγέλαστον , άμον τα κρύα χιόνια.
Εδέκα σε έναν φίλεμαν, με το ΄΄ Χριστός Ανέστη΄΄ να εγροικάς πόσον πονώ κ’ έχω τ΄εσόν το τέρτ’ι.
Εδιάβεν έναν Μοθωπόρ’ και έρθανε τα χιόνια, και ‘σύ ακόμαν τη σεβτάς ‘κ’ εφτάς τα παραμόνια.
Είδα ‘σε με τ’ ηλέπορον, είδα ‘σε με τον φέγγον, μικρόν αρνί μ’, κατ’ έπαθα και ν απ’οπίσ’ ισ’ τρέχω..
