Ανάσταση Λαού θεασάμενοι
Άγγελα Μέρκελ δοξάζομε,
ς σην βουλήν ατς καμίαν κ’ εβγαίνουμε,
‘ς σο ευρώ θα σκοτούμες και μένουμε.
Την αγίαν σου όψιν υμνούμεν,
ας σ’ εσέν κ’ έξ ‘κι πορεύουμ’.
Κι αν κι δίς ‘μας παράν, θ’ υπομένουμ’,
ους να ρούζουμε και να πατεύουμ’.
΄΄Συ γάρ ει ο Θεός ημών΄΄ ,
εκτός σου άλλεν ουκ’ οίδαμεν,
‘ς σο όνομά σ’ νερόν πίνομεν
και κακόν λόγον, πα ‘κ’ είπαμεν.
Δεύτε πάντες οι λαοί προσκυνήσωμεν,
γερμαναύαν γαρήν αγαπήσομεν.
Τα τσακλιάρια τ’ ομμάτια σ’ φιλούμε,
για τ’ εσέν Βενιζέλον ψηφούμε.
Τον σταυρόν του ΠΑΣΟΚ για να σύρει,
τ’ αμαρτίας ,ντ’ εποίκαν, να πλύνει.
Με ΄΄Ποτάμια΄΄ και με τα ΄΄Ελαίας΄΄
Τον λαόν ‘κι κομπών ο μαλέας.
Δια παντός ευλογούντες μνημόνια
‘ς σον λαόν θα εφτάνε εξόδια.
Κι η ανάσταση, όντες θα έρται,
‘ς σα κιφάλια τουν πόνια και τέρτια…
