Η νίκη έχει εκατό πατέρες, ενώ η ήττα είναι ορφανή.
Galeazzo Ciano, 1903-1944, Ιταλός πολιτικός
Δεν είναι κανείς τελειωμένος όταν νικηθεί. Είναι όταν παραιτηθεί.
Ρίτσαρντ Νίξον, 1913-1994, Αμερικανός πρόεδρος
Εσούμωσαν τα εκλογάς
για δημογεροντίαν,
εφόρεσαν, ενέλλαξαν
και πάν ‘ς σα καφενεία.
Αβού τα δύσκολα καιρούς,
τα τσατινία μήνας,
ερρούξαν ‘ς σα χωρία μουν
ν’ ευρήκ’νε μουστερίδας.
Κι ο κόσμον ,ο καλόγνωμον,
ο νυκοκύρτς ο κόσμον
επέζεψεν τα εκλογάς,
τα λαλίας ‘ς σον δρόμον.
Ατός τερεί από μακρά,
εξέρ’ το μεκατύρ ν ατ’,
τα λόγια άλλο φαϊτάν ‘κ’ εφτάν
΄ς σο μαύρον τη ζωήν ατ’.
Με την πορδήν ‘κι ίντανε
τη λαχανί τα στίπα…
και με το χρέος ‘κι τσουπών’
τη δήμονος η τρύπα.
Άντσαχ θα τρέχουμ’ οξοπίς
ας σα δημαρχηλούκια,
τ’ εμέτερον ο άρθωπον
να παίρ’ τα χαβασλούκια ’.
Όσον ντο πάμ’ θα λεμ’ ατόν,
τον δήμαρχον μουχτάρη
και τον νομάρχην, ντ’ έξεραμ’,
θα λέμε καϊμακάμη.
Αϊκα έχ’ν τα εκλογάς,
αϊκα μαραφέτια,
πη θα εβγαίν’, θα χαίρεται
κι αν χάν’, θα σύρ’ τα τέρτια.
Κ’ εν ο λαόν, ντ’ επείνασεν,
‘πέμνεν‘ ς σα πέντε στράτας,
αν ίντανε τα εκλογάς,
θα τρώει κι άλλα σαπλάκας.
