Αρχική > Αρθρογραφία > Ο Σάλτσον κι ο Αλέξης- Γράφει ο Παναγιώτης Μωυσιάδης

Ο Σάλτσον κι ο Αλέξης- Γράφει ο Παναγιώτης Μωυσιάδης

Κοινοποίησε το....
Share on Facebook
Facebook
Tweet about this on Twitter
Twitter
Print this page
Print
Email this to someone
email




subscribe!





Ο Σάλτσον, ο  Καρμουτέτες  κι ο Αλέξης,  ο Λερέτες, ας ση μαχαλάν τ’ Ανδρεάντων,

οι δύ πα σέρτ και κουρφάντ ,  καμίαν  είνας τον άλλον ‘κ’ επεενεύκουταν.. πάντα ετάβιζαν κ’ εφούμιζαν..

Ένα ημέραν, καλοκαίρτς καιρός, ο Σάλτσον με το παπάχ το ρώσικον ‘ς σο κιφάλ,

εκάθουτον έξ’ ας ση Θάνονος το καφενείον κ’ έπινεν την καϊφέν ατ΄.  ‘Σ σην ώραν απάν

αχά κι ο Αλέξης ,φορεμένος, σκεπαμένος, με το ρεπούπλικον ‘ς σο κιφάλ’, έρθεν, εκάτσεν  ‘ς σην παρέαν …

Εσκάλωσαν τη πατρίδας τα μεσελέας.  Ας είπαν- είπαν, ΄ς σ’ υστερνά ο Σάλτσον  λέει και κουρφίζ’ τοι Καρμουτέτας :

 

– Τ’ εμετέρ ούλ ξενιτάντ, έρχουσαν ας σην ξενητιάν με τα κασμίρια τα κοστούμια και τα λύρας ‘ς σα πουλούλια απέσ’ .. Ίλεμ εκείνος ο Γιάγκον τη Τσαχούρ,  δικαιόρος τρανος ‘ς σην Τραπεζούνταν,  όντες έλεπαν ατόν οι τουρκάντ εκατόν  τεμενάδας εποίναν  ατόν…!

Αλέξης έκουεν  και ζαρωτά – ζαρωτά εκλώσκουτον κ’ ετέρνεν ατόν .

Άμον ντ’ εστάθεν ολίον , επέρεν τη λογού τη σειράν και λέει τον Σάλτσον :

  • Νέπε ψοφεμένε ,τ’ εσετέρ φαϊν ‘κ΄  είχαν να έτρωγαν …και λύρας θα εκαμάτιζαν;; Ίλεμ εκείνος, τη Τσαχούρ ο Γιάγκον  έρχουτον  ΄ς σο χωρίον εμουν  κ’ εμόναζαμ’ ατον … κι άναβα ας ατό  ς σ’ ολημέρα απάν’  επένεν  κ’ εβόσκιζεν τ’ άλογα μουν ….!

Ο Σαλτσον εγέλασεν κ’ εκλώστεν  λέει τον Αλέξην :

– Νέπε ζούρτο ,τη Τσαχούρ ο Γιάγκον  είχεν δέκα χουσμεκιάρτς ‘ς σα ποδάρια τ’ ολόερα και τ’ εσά τ’ άλογα θ’ εβόσκιζεν;                                                                                              Όλια τα Λερία  έναν Γιάγκον  ‘κι χτίζ’νε.. Άκσον καλά, ντο θα λέω ‘σε:                                                 Εσείν,  οι Λερέτ, είνας απάν’ σον άλλον ν’ έβγαίνετεν  κ’ απλώνετεν τα χέρια σουν … τη Τσαχούρ τη Γιάγκονος τα κάκκαλα  ‘κ’ επόρνετεν να πιάνετεν.. !!

Αλέξης επέρεν φωτίαν,  ατό ‘κ’ ενεμείνεν ν’ ακούει ατο, εσκάλωσεν  να υβρίζ’ και  φτύζ τον Σάλτσον  …

– Φτού αναθεμά ‘σε,  γαμόπιστε , εσέν και το ταπιάτ ισ ….                                                Ο Σάλτσον  ατό εθέλνεν, να  σπάν’  και τσατλαεύ’ τον Αλέξην …

-Νέπε, ντο τσαϊεις  και φτύεις..                                                                                                 Άνθρωπον, πη  φτύζ, τον πρόσωπόν ατ φτύζ…!!

Και  πη τσαϊζ,  ‘ς  σον φέγγον υλάζ …!!

 

 

 

 

Κοινοποίησε το....
Share on Facebook
Facebook
Tweet about this on Twitter
Twitter
Print this page
Print
Email this to someone
email

Στείλε μας Φωτογραφίες, Μηνύματα και Καταγγελίες στο ptolemeos@e-ptolemeos.gr
sidiros
x

Check Also

Επανάσταση του 1821: Αλήθειες και ψεύδη- του Αναστάσιου Σεμίζογλου  

Κοινοποίησε το....FacebookTwitterPrintemail Το κίνημα του εθνομηδενισμού στην πατρίδα μας επιχειρεί να διαστρεβλώσει τα ιστορικά δεδομένα, τα αρχεία και τις πηγές ...