Συμβαίνει τώρα
Αρχική > Στήλες > Καφέ Ρωμανία > Η  Ευρωκοδέσποινα… Του Μωυσιάδη Παναγιώτη

Η  Ευρωκοδέσποινα… Του Μωυσιάδη Παναγιώτη

Μοίρασε το άρθρο...Share on Facebook
Facebook
Tweet about this on Twitter
Twitter
Email this to someone
email






Οπέρτς πα εφτωχοί έμνες ,

οφέτος τσίπ’ εχάθαμ’,

ας σ’ αρκατάσια ορφανοί,

ας σοι φίλ’τς ενεσπάλθαμ’..

 

Ο  Τσίπρας, έναν παλικάρ’,

κ’ έναν παιδίν  γενναίον

‘κ’ επόρεσεν ν’ εμάζευεν,

τ’ ευρώ για το μηναίον.

 

Η εφτωχία ετσόκεψεν

άμον γομάρ’ ‘ς σ’ ωμία τ’,

ετέρεσεν να πετσαρεύ’

μανάχος τη δουλείαν…

 

Καλόν έν’ η αριστερά,

άμαν παράν ‘κι φέρει

΄ς σα σκατωμένα λάχανα

ξαν έπλωσεν το χέρ’ ι…

 

Έρθεν η ώρα για να πίν’

το πικρόν, το ποτήρι,

‘ς σην Άγγελαν, ντο ψαλαφά,

με  την οκάν να δίνει.

 

Ατέ, τη σκύλλ’ η Άγγελα,

όλα ατά ντ’ εποίνεν!

‘ς σα ποδαρια τς να ρούζουμε,

εκάτσεν κ’ ενεμείνεν…

 

Γουρπάν ισ’ ψη μ’ ,Αλέξανδρε,

χάσον την εντροπήν ι,

απ’ εσέναν κι αλλ’ εμπροστά ,

ντ’ εποίκαν α’ πολλοί είν’…!

 

Και με τ’ αείκα έφτασεν

ους την καγγελαρίαν, ο Τσίπρας, αγραβάτωτον,

με κάμποσα παιδία..

 

Εκεί ευρωκοδέσποινα

΄΄Άγγελα Μερκελίνα΄΄

εφόρεσεν τα κίτρινα,

‘ξέβεν ‘ς σην απαντήν ατ’.

 

Καλώς, καλώς το πρόγεμα μ’,

καλώς το δειλινάρ ιμ’,

καλώς το απατσάρευτον μ’

και το ετεψιζνάρ’  ιμ’…!

 

Κι η Μέρκελ, η αφώτιστος,

εφάισεν κ’ εν επότ’σεν

και ‘ς σ’ εύκαιρον το δίσακον

πέντε ευρώ κ΄εχώρτσεν…!

 

Αρ’ δέβα , Τσίπρα, ‘ς σο καλόν

εκεί κι απόθεν έρθες ,

το σκατόν, ντο θα έτρωες,

φά ‘το, ας ού εχτέθες.

 

Κι ατώρα ο Αλέξανδρον

νουνίζ’ κι απονουνίζει…

Τον κόσμον ατό το σκατόν ,

πώς θα καλοφαϊζει… !

 

Μοίρασε το άρθρο...Share on Facebook
Facebook
Tweet about this on Twitter
Twitter
Email this to someone
email

Στείλε μας Φωτογραφίες, Μηνύματα και Καταγγελίες στο ptolemeos@e-ptolemeos.gr
kotzampasis

Συντάκτης: Παναγιώτης Μωϋσιάδης