Συμβαίνει τώρα
Αρχική > Στήλες > Καφέ Ρωμανία > Ένα αντίο στον φίλο Νίκο Σπυριδόπουλο, τον λυράρη της Αλεξανδρούπολης του Παναγιώτη Μωυσιάδη

Ένα αντίο στον φίλο Νίκο Σπυριδόπουλο, τον λυράρη της Αλεξανδρούπολης του Παναγιώτη Μωυσιάδη

Κοινοποίησε το....
Share on Facebook
Facebook
Tweet about this on Twitter
Twitter
Print this page
Print
Email this to someone
email







Εφέκε ‘μας κ’ εν έφυεν  ο Νίκον ο Σαντέτες

Ο Πευκαλής ο μερακλής  ,ο Αξεξανδροπουλέτες..

 

Νικόλα ποίος ‘κι θα κλαίει  ,ποίος ‘κι θα πονεί ‘σε,

τ’ εσόν η κάρδια αρνοφόλ’ ,ν’ εμπαίντς απέσ’ και κείσαι…

 

‘Συ έσνε τη λύρας κωδών, τη κεμεντζές τεχνίτες,

τη τραγωδί αμάραντον και τη Σάντας αυγήτες..

Κανέναν ‘κ’ εχολίασες,  καν’νάν εχολοπότσες

άμον  τη χάρας το κλαδίν, ανθρώπσες κ’ εξεχώρτσες

 

Ατό το μακροστράτεμας, ατό η χωρισία σ’,

τη φίλτς εμαραγκούλωσεν, κι όλεν την κοινωνίαν…

 

Άχαρε και απάχαρε, εχπάστες και θα πασ’-ι

εκεί όθεν ‘κι φλενικίζ’,  ‘κι σκουντουλίζ’ η πλάση..

 

Τη λύρας οι εμπροτιζνοί,  εσέναν προσπερμέν’νε

Ο Γώγον και ο Χρύσανθον , την έλα σ’ αναμέμεν’νε..

 

Το τόξαρ’ ποίσον μαξιλάρ’ την κεμεντζέ σ’ κρεβάτι,

κι όντες ψυχομανάσκεσαι,  παίξον για την εγάπην …

 

Έπαρ τη λύρα σ’ το καπάν’,  εκείν’ τη πατριάρχη

ντ’ εποίκεν ατό χάρισμαν,  απ’ έμπρια κ’ εν απάρχης..

 

Εκέσ’ ‘ς σα παρχαρότοπα ,καταμεσού ‘ς σον Άδην,

εγούρεψαν’ το μοχαπέτ’ ,τα στόλια έναν σειράδιν..

 

Όθεν κι αν  πας ανάσπαλτος  και καλοφανεμένος,

αφκά ‘ς ση γην ταραμωνή , κόσμον σασουρεμένος..

 

Σ’ όλια τα τράμερα τη γης, διακλώσκεται ο χάρον,

Νίκο ενερέστες κ’ έφυες, ‘κ’ εσυνεκάτσες άλλο.

 

Αβού τον άδηλον ντουνιάν,  ντ’ εφέκες κ’ εν εποίες

‘ς σα σύσκωτα τ’ αφώταγα,  επέμ’νεν κ’ ενεβ’ζήεν..!

Κοινοποίησε το....
Share on Facebook
Facebook
Tweet about this on Twitter
Twitter
Print this page
Print
Email this to someone
email

Στείλε μας Φωτογραφίες, Μηνύματα και Καταγγελίες στο [email protected]
sidiros
x

Check Also

Οι μουσικές επιλογές του e-ptolemeos.gr – Prince – Old Friends 4 Sale (1999)

Κοινοποίησε το....FacebookTwitterPrintemail Δείτε επίσης στο E-PTOLEMEOS.GR: ΠΡΟΣΟΧΗ: Διακινούνται emails με προσηλυτιστικό υλικό σε Κοζάνη και Πτολεμαΐδα Παναγιώτης Πλακεντάς: «Να κλείσει ...