Ο Γιωρίκας παίρ’ την στράταν και πάει σην Παναΐαν Σουμελά, να εφτάει προσευχίας εμπροστά σην εικόναν…
– Παναΐα μ’, πολλά παρακαλώ σε, ποίσον το θάμα σ’. Ας κερδίζω 5.000.000 ευρώ σο ΛΟΤΤΟ και δίγω εσέν πα 500.000!
Αναμέν 2 εβδομάδας κι αφού τιδέν ‘κι έντον, ξαν πάει σην Παναΐαν…
► Παναία μ’ Παναΐα μ’, κατ’ ποίσον! Τα χρέη μ’ εξέβαν απάν α’ σο κιφάλι μ’ και τα χάταλα μ’ πεινούνε, ‘κι ξερω ντο να φτάω. 500.000.000 ευρώ να κερδίζω, εσέν πα δίγω σε τα 5.000.000!
Τα ημέρας δεβαίνε, τιδέν ‘κι ίνεται και ξαν παίρ’ την στράταν για την Παναΐα…
► Παναΐα μ’ να λελέβω σε, ποίσον να κερδίζω σο Λόττο 1.000.000.000 και δίγω εσέν πα τα 10.000.000!
Σίτε πάει να φεύ’ ακούει έναν λαλίαν να κουήζ…
► Γιωρίκαααααα… Γιωρίκααααααα!
Τερεί ζερβά, τερεί δεξιά, κανέναν ‘κι ελέπ! «Εχάσα τ’ αχούλι μ’» λέει μαναχός και πάει να φευ’. Ξαν ακούει τη λαλίαν να τσαήζ κι άλλον βαρέα…
► Γιωρίκααααααααααααα!!!
Εχπαράεν και χάθε! Τερεί ξαν ολόερα τ’, κανένας ‘κι εν και σασιρεμένα ερωτά…
► Ποίος κουίζ’με…;;;
► ΕΓΩ, η Παναΐα σ´
Σιγουρεύκεται πως καλατσεύ’ ατόν η Παναΐα και λέει…
► Γουρπάν’ ις να ίνουμε Παναΐα μ´ Σουμελά, ντο θέλτς ας εμέν;
► Νέπε Γιωρίκα, ατό το ΛΟΤΤΟ… θα πέεις ατό καμίαν;;;
