Συμβαίνει τώρα
Αρχική > Στήλες > Καφέ Ρωμανία > Θεέ μ’, γιατί σκοτούνταν; – Του Μωυσιάδη Παναγιώτη

Θεέ μ’, γιατί σκοτούνταν; – Του Μωυσιάδη Παναγιώτη

Μοίρασε το άρθρο...Share on Facebook
Facebook
Tweet about this on Twitter
Twitter
Email this to someone
email






romania-300x207

Πάνω από 200.000  οι νεκροί από τον πόλεμο στη Συρία!

Είτε η ανθρωπότητα θα τελειώσει τους πολέμους,
είτε οι πόλεμοι θα αποτελειώσουν την ανθρωπότητα. Τζων Κέννεντυ, 1917-1963, Αμερικανός πρόεδρος [1960-1963]

Ο Κόσμον επαλάλωσεν,
εχάθεν η ευλοϊα,
είνας τον άλλον τογραεύ
με δίστομα σπαθία.

Χάρε, χαράν εγούρεψαν
‘ς σ’ όλια τικές τα μέρια,
κανείς ‘κι θέλ’ τον πόλεμον
κι ούλ’ κρούν’ και τογραεύνε.

Είνας τον άλλον ερωτά,
ατσά γιατί σκοτούνταν;
Απόκρισην κανείς κι δί’,
ν’ ακούν και ν’ αφουκρούνταν!

Σκοτούντανε οι μουσουλμάν’,
Σουνίτες και Σηίτες,
τερούν α’τς κι οι χριστιανοί
άμον δικαιοκρίτες!.

Θεέ μ’, κατήβα απ’ απάν’
και λάρωσον τα τέρτια,
‘ς σ’ όνομα Σ’ κρούν’, σκοτούντανε
τη γης τα μελμεκέτια…!

Άλλο μ’ αποκρυφιάσκεσαι,
κατήβα κά’ και κρίσον..
‘ς σ’ ότιναν έχ’ το καπαέτ’,
τα γιουλτουρούμια ξύσον.
Θεός κι αν είσαι τσούξον ‘μας,
νούντσον για τα παιδία,
ντο κείνταν κά’ με τη χαράν,
σκούνταν ‘ς σην ορφανίαν.

Ατσά ποίος ο άπιστον;
ποίος ο πιστεμένον;
Κ’ εσύ στέκς ακαλάτσευτος
άμον σασουρεμένος..

Ποίος τον χάροντα λαλεί
και την ζωήν ορίζει;
Αν έν και κοσμοκράτορας,
στείλον ατόν τη φθίσην..

Οι τρανοί απεντρώπ’σανε,
‘χάσαν τα μεκατίρια,
τα πολέμους ‘κ’ εγίλεψαν,
τ’ ανθρώπς εφτάν’ γεσίρια..
‘Σ σ’ αβού το καταλάεμαν
ας ίνεται έναν θάμαν,
αβούτο ο κόσμον ν’ ειρηνεύ
και κόφκεται το κλάμαν…

Για τ’ όποιον γριλισμονή,
κι ανθρωποχαλανδρία,
νουνίστ’ ατό ,Θεού πλασμέν’,
νουνίστ’ ατό, άλλο μίαν….!

 

Μοίρασε το άρθρο...Share on Facebook
Facebook
Tweet about this on Twitter
Twitter
Email this to someone
email

Στείλε μας Φωτογραφίες, Μηνύματα και Καταγγελίες στο [email protected]
kotzampasis

Συντάκτης: Παναγιώτης Μωϋσιάδης