Συμβαίνει τώρα
Αρχική > Στήλες > Καφέ Ρωμανία > Να σπάν ο Κορωνοϊόν .Του Μωυσιάδη Παναγιώτη

Να σπάν ο Κορωνοϊόν .Του Μωυσιάδη Παναγιώτη

Μοίρασε το άρθρο...Share on Facebook
Facebook
Tweet about this on Twitter
Twitter
Email this to someone
email






Στις φίλες και στους φίλους

 με την πεποίθηση της νίκης…

 

Καλόν μήναν θα έχουμε

κ’ εν έμορφα χαπέρια ,

ζαέρ  φαρμάκ  απριλιακόν

θα έχουμε σα χέρια..

 

‘Σ σο κορωνίδ’ εκόνεψεν

ατός, τη σκύλλ’ ο ιόν-ι

φοούμαι να πιάνω-ατό

καρφούται  άμον βελόνι..

 

 Κ’ ένας λαός – περίλαος

δεκλώσκεται ‘ς σ οσπίτ’ν ατ’

ανοίει  την τηλεόρασην

και χολοσκάν την ψην ατ’..

 

Έψεν και το παρακαμίν

ολίγον να χουλείται

ατό, τη σκύλλ’ η γουρζουλά

όσον πόσον θ’ αγρείται ..

 

Αβούτος, ο κορωνιόν,

τη γης ο βασιλέας,

πολλά ‘κι πάει ,θα ίνεται

 σαφλέας και μαλέας..

 

‘Σ αβού τα κορωνέματα                                                                                                                                                             και τα παρακαθίας

Ο κόσμον όλεν άχ και βάχ

κ’ εμείς ν είμες τ’ ευδίας..

 

Κ’ εν ας σο διαδίκτυον

κ’ εν ας σα ΄΄φεϊσπούκια΄΄

είνας τον άλλον παιγνιατίζ’

ευτάει μασκαραλούκια..

 

Άντσαχ εμείς, οι Πόντιοι,

παίζουμ’ και τραγωδούμε,

έναν μούσταν εγένουμνες,

ατόναν κί φοούμες..

 

Να σπάν’  ο κορωνοιόν

τσερίεται η μάνα τ’

κι αβού τ’ ο κόσμον να ησυχάζ’

κ’ εμπαίν ξαν σην σειράν ατ’… !

 

 

 

Μοίρασε το άρθρο...Share on Facebook
Facebook
Tweet about this on Twitter
Twitter
Email this to someone
email

Στείλε μας Φωτογραφίες, Μηνύματα και Καταγγελίες στο [email protected]
kotzampasis

Συντάκτης: e-ptolemeos team