Αρχική > Στήλες > Καφέ Ρωμανία > ‘Σ σον αγύριστον να πάνε οι Τροϊκανοί.. – του Μωϋσιάδη Παναγιώτη

‘Σ σον αγύριστον να πάνε οι Τροϊκανοί.. – του Μωϋσιάδη Παναγιώτη

Κοινοποίησε το....
Share on Facebook
Facebook
Tweet about this on Twitter
Twitter
Print this page
Print
Email this to someone
email




subscribe!





Αν απουσιάζει η δικαιοσύνη ,
τι άλλο είναι η πολιτική εξουσία,
παρά οργανωμένη ληστεία.
Ιερός Αυγουστίνος ( άγιος 354-430)
Έναν Tρόϊκαν εχτέθαμ’
π’ έρται αδακειάν,
έγκε ‘μας ‘ς σ’ οπίς τα χρόνια
τρώμε μηλαχτά.

‘Σ σον αγύριστον να πάνε
έξ κι άλλο μακρά,
πάντα κόφ’νε τα συντάξεις
και τα ημερικά

‘Σ σον κρεμόν να πάνε, χάνταν
και ‘ς σο τσεχενέμ’,
σίτε έστεκαμ’, εχτέθαμ’
Τρόϊκας πελέν.

Χά! θα φεύνε , χά! θα φεύνε,
κι ατοίν αδακές,
απιτάζ’νε και διατάζ’νε
έϊ βαχ ! τ’εμετέρτς.

Άτοίν είν’ άμον σκυλία,
ούμπαν τρών’, υλάζ’ν’,
ας σο στόμα μουν την βούκαν
τερούν να αρπάζ’ν’.

Πάντα ψαλαφούν τα τόκους
με το παραπάν’
και το χρέος εμούν έντον
άγρεν τσαναβάρ’.

Οι Τροϊκανοί ‘κι φεύνε
μ’ έναν καλατσήν,
ους να φεύνε, θα εβγάλ’νε
τη λαού την ψήν.

Ατοίν, τρία αγαρτάλια
με νύχια γαμψά
κι η Ελλάδα κουπιμέντσα
γονατοκλυστά.!

Δικηγόροι, δικολάβοι,
πολιτικαντιστές,
ετσορκάντσανε τη χώραν
ους τοι δανειστές.

Ατοίν, π’ ένοιξαν τα πόρτας
΄ς σοι Τροϊκανούς,
‘κ’ είναι πέντε ‘κ είναι δέκα
και τίναν να κρούς .

Κι αρ ατώρα επεκρύφταν
κ’ έρχουν απ’ εκές.
ούλια τουν, άσπρα μαντήλια
κ’ ελάδ’ απαγκές…..!
Λεξιλόγιο: Εχτέθαμ’= αποχτήσαμε ενοχλήσεις μπελάδες.
Μηλαχτά= λιτό ποντιακό φαγητό με λάχανα.
Τσεχενέμ’( ιν) = η κόλαση.
Τσαναβάρ’= άγριο θεριό.
Αγαρτάλια = αρπακτικά πουλιά.
Κουπιμέντσα= σκύμένη.
Φράση: ‘κ’ έρχουν απ’ εκές= αποποιούνται τις ευθύνες.

Κοινοποίησε το....
Share on Facebook
Facebook
Tweet about this on Twitter
Twitter
Print this page
Print
Email this to someone
email

Στείλε μας Φωτογραφίες, Μηνύματα και Καταγγελίες στο ptolemeos@e-ptolemeos.gr
sidiros
x

Check Also

19η  Μαΐου 1919 -Πόντος δικαίωμα στην μνήμη – Του Μωυσιάδη Παναγιώτη

Κοινοποίησε το....FacebookTwitterPrintemail   Δεκαεννέα έτονε, Καλομηνά ημέρα, Κεμάλτς όντες επάτεσεν ‘ς ση Πόντονος τα μέρια.   Σαμψούντα φόρ’ κι ανάλλαξον ...