Αρχική > Στήλες > Καφέ Ρωμανία > Γράμμα στον Εσταυρωμένο…! – Γράφει ο Παναγιώτης Μωϋσιάδης

Γράμμα στον Εσταυρωμένο…! – Γράφει ο Παναγιώτης Μωϋσιάδης

Κοινοποιήστε το άρθρο...Share on FacebookTweet about this on TwitterShare on LinkedInShare on Google+Email this to someonePrint this page

Κρούει η καμπάνα θλιβερά

ας σο καμπαναρίον,

απόψ’,μεγάλ’ Παρασκευή,

‘δακρώθεν το χωρίον..

 

Εσύ, Χριστέ μ’ ,επέθανες,

με τον Θεόνετάες

και ξανεκλώστεςοξοπίσ’

‘ς σον Άδην ‘κ’ ενεπάες…

 

Μόν’ ο λαόν, ο άχαρον,

‘ς ση Γολγοθά ‘ τ’ οβάδες

πορεύκεται με το σταυρόν

και με τα μουταράδες….!

 

Εσέναν, π’ εθανάτωσαν,

Χριστέ μ’, με τα καρφία

ουρανοφώς να μηνευρήκ’ν

να καίει  α’τςαμαρτία..!

 

Εσένανεθανάτωσαν

με ζιαγκωμένα πρόκας

κι ατώραφαρμακών’νε ‘μας

με τη διαβόλ’ τα βόμπας..

 

Απ’ ουρανού χαρτίν ‘κ’ έρται

κ’ εν ας σηγηνελπίδαν,

άντσαχτη σκύλλ’ τα Τρόικας

πάν’ κ’ έρταν ‘ς σηνΑθήναν…

 

Γιατί ,Χριστέ μ’,εφέκες‘μας

να ζούμε με τα πόνια ,

τα πίκρας και τα βάσανα

‘ς σ’ αβούτ’ αδά τα χρόνια ..:

 

Να ζούμ’ και δακροπίνουμε

Χριστέ μ’,κάθανημέραν,

απέσ’ ‘ς σα μαύρα κρίματα

κ’ εσύ ‘ς σο υπερπέραν..!

 

Εφέκες‘μας απάν ‘ς ση γην

να σύρουμ’ τα πελιάδας,

με σααπήδεςδίκλοπους

κι ανούγαςαφεντάδας…!

 

Ολίγον γέλως στείλον ‘μας

‘ς σα πικραμένα χείλια,

να κετσινεύουμ’ ‘ς ση ζωήν

και πάμε βύρια – βύρια…!

 

 

Κοινοποιήστε το άρθρο...Share on FacebookTweet about this on TwitterShare on LinkedInShare on Google+Email this to someonePrint this page
Στείλε μας Φωτογραφίες, Μηνύματα και Καταγγελίες στο ptolemeos@e-ptolemeos.gr

Συντάκτης: Παναγιώτης Μωϋσιάδης